Облыс әкімі облыс орталығында тұрақты кездесуін өткізеді, деп хабарлайды @Pavlodarnews.kz.

ҚР Президенті Қ.Тоқаевтың «Әкімдердің халықпен кездесулерін өткізу туралы» Жарлығына сәйкес 29 желтоқсанда сағат 11:00-де  Естай атындағы мәдениет сарайында Павлодар облысының әкімі Асайын Байхановтың Павлодар қаласының тұрғындарымен тұрақты кездесуі өтеді.

Кездесу облыс әкімдігінің Instagram әлеуметтік желісіндегі @pavlodar_region ресми парақшасында тікелей эфирде көрсетіледі. Эфир кезінде пікір жазу функциясы спикерлердің сөз сөйлеуі кезінде өшіріліп, сұрақ-жауап сессиясы кезінде қосылатын болады.

Павлодар облысы әкімдігі тұрғындарды тұрақты кездесуге қатысуға шақырады.