Тұқымбақтарда 13 миллионнан астам көшет өсірілді, деп хабарлайды @Pavlodarnews.kz.

«Ертіс орманы» резерватында Шалдай және Бесқарағай тұрақты екі орман тұқымбағы бар. Олар резерватты отырғызу материалымен толық қамтамасыз етеді.  

– Ағымдағы жылы резерваттың орман тұқымбақтарында 13 миллион түптен астам отырғызу материалы өсірілді. Бүгінде оларды орманда отырғызу, қазу жұмыстары жүргізілуде, – деді резерватта. – Орман дақылдарын күзгі отырғызу 1498 гектар жерде шамамен 8,4 миллион көшет отырғызу жоспарланған.

Екі жылдық қарағай көшеттерінің тамыры 25-30 сантиметр тереңдікте кесіледі. Бұл жұмыстар тракторлардың көмегімен жер қабатын төңкермей көтеру арқылы жүргізіледі.