Құрылыс шамамен 2,5 жылға созылады, деп хабарлайды @Pavlodarnews.kz тілшісі.

«ПАВЛОДАРЭНЕРГО» АҚ бас директорының баспасөз қызметінің мәліметінше, қоршаған ортаны қорғау бөлімі бойынша ашық жиналыстар нысанындағы қоғамдық тыңдаулар 12 қаңтарда оқу орталығының ғимаратында және Мойылды ауылының әкімдігінде өтті.

Жұртшылық өкілдерінің алдында «КазНИПИЭнергопром» институты» АҚ жобасын әзірлеушілер Юлия Нестерова және Аида Амантай сөз сөйледі.

Тыңдаулардағы басты мәселе құрылыстың қоршаған орта компоненттеріне әсерін қарастыру болды.

– Жұмыс жобасы "ПАВЛОДАРЭНЕРГО" АҚ ЖЭО-2 күл үйіндісін құру жөніндегі техникалық шешімдерді бөгеттердің түбі мен еңістері бойынша полимерлі материалдардан жасалған сүзуге қарсы экранмен түзетуді көздейді. Жаңа күл үйіндісін салу шамамен 30 айға созылады. Өз кезегінде, қолданыстағы ЖЭО-2 күл үйіндісін пайдалану 2026 жылы аяқталады. Содан кейін оны қалпына келтіру жүргізіледі – деді монополист.

Естеріңізге сала кетейік, күл үйіндісі – қатты отынды жағудан пайда болатын күл-қож қалдықтарын жинақтауға және сақтауға арналған гидротехникалық құрылым. Күл үйіндісінің болуы станцияның үздіксіз жұмыс істеуі үшін өндіріс процесінің маңызды буыны болып табылады.