Павлодарда бала металл сақинада тұрып қалды
Тұрғындар баланы өз күштерімен алып шығуға тырысқан, деп хабарлайды @Pavlodarnews.kz тілшісі.
Облыстық Төтенше жағдайлар департаменті баспасөз қызметінің мәліметінше, бүгін сағат 16:58-де Максим Горький көшесіндегі балалар алаңында темірден жасалған ойын сақинасына бала тұрып қалғаны туралы хабарлама келіп түсті.
– Оқиға туралы тұрғындар хабарлады. Олар алдымен баланы өз күштерімен алып шығуға тырысты. Оқиға орнына жедел жеткен 5 құтқарушы сақинаны гидравликалық құралмен тістеп, баланы құтқарды, – дейді баспасөз орталығында.
Бала зардап шеккен жоқ.
Посмотреть эту публикацию в Instagram
