Павлодарда бір гектар құрғақ шөп жанды
Өрт сөндірушілер жарты сағатта тілсіз жауды ауыздықтап үлгерді, деп хабарлайды @Pavlodarnews.kz тілшісі.
Облыстық ТЖД баспасөз қызметінің мәліметінше, сәуірдің 6-сы күні сағат 19:30 шамасында өрт сөндіру қызметкерлеріне Усолка шағын ауданында Парковая, 35 көшесінде өрт орын алғаны жайлы хабар түскен.
Өрт сөндіру қызметі мен құтқарушылар оқиға орнына сағат 20:03-те жетіп, 32 минутта тілсіз жауды толық сөндірді. Салдарынан 1 гектар құрғақ шөп пен қамыс өртенген.
Зардап шеккендер жоқ. Өрт шығу себептері анықталуда.
