Жастар бастамаларын дамыту орталығында Спорт күні өтті, деп хабарлайды @Pavlodarnews.kz тілшісі.

Залға үздік спортшылар, жаттықтырушылар, ардагерлер, спорт клубтарының жетекшілері мен спорт тақырыбында қалам тербейтін БАҚ өкілдері жиналды. Облыстық спорт басқармасы басшысының орынбасары Диас Жәкенов барша жұртшылықты келе жатқан Жаңа жыл мерекесімен құттықтап, 2025 жылға жаңа жеңістер тіледі.

– Түрлі жарыстардағы жеңістеріңіз, табандылығыңыз, еңбекқорлығыңыз баршаға үлгі. Бапкерлерге, ардагерлерге, спорт саласының қарапайым қызметкерлеріне мың алғыс. Қала тұрғындарын спортқа баулып, спорттық жарыстардан хабардар етіп жүрген БАҚ өкілдеріне ерекше алғыс айтқым келеді. Алдымызда үлкен жоспарлар тұр. Сіздерді Жаңа жыл мерекесімен шын жүректен құттықтаймын, спортшыларымыз әрқашан жеңіс тұғырының биік сатысынан көріне берсін, – деді Диас Жәкенов.

Марапатталғандар арасында тоғызқұмалақтан жасөспірімдер арасындағы әлем чемпионатының қола жүлдегері Салахаддин Ағытаев та болды. Биыл спортшы Азия чемпионатында да жүлделі орынға ие болып, жаңа деңгейге көтерілді.

- Мен үшін өте маңызды жыл болды: мен психологиялық жағынан да, ойын жағынан да өстім. Бұл спортпен айналысқаныма он жыл болды, бірақ соңғы үш-төрт жылда ғана шын ғашық болдым. Келесі жылы колледждегі оқуымды аяқтап, жаттықтырушы боламын деген ниетім бар. 2025 жылы Азия чемпионатына іріктеу болады, оған жолдама алу үшін тартысамын, - деп бөлісті Салахаддин Агитаев.

Жоғарыда атап өткеніміздей, бұл күні спортшылардың өздерінен бөлек, спорт туралы жазып жүрген журналистер де құрметке бөленді. Олардың қатарында «Ертіс Медиа» ЖШС өкілдерінің еңбегі атап өтілді. Олардың қатарында «Pavlodarnews.kz» ақпараттық агенттігінің бас редакторы Ольга Бугаева, «Pavlodarnews.kz» ақпараттық агенттігінің тілшісі Айбек Жұматов, «Halyq radio» бас редакторы Бекболат Сауырбай, «Halyq radio» радиосының тілшісі Әсемгүл Аманжолова, облыстық газет бас редакторының орынбасары «Сарыарқа самалы» Құндыз Қабылденова және облыстық «Звезда Прииртышья» газеті бас редакторының орынбасары Татьяна Сартакова болды.