Павлодарлық өрт сөндірушілер балалар үйіне тосын сый жасады

Сондай-ақ, бүлдіршіндерге экскурсия ұйымдастырылды, деп хабарлайды @Pavlodarnews.kz тілшісі.
Жаңа жыл қарсаңында облыстық ТЖД Екібастұз гарнизонының қызметкерлері «Үміт» балалар үйіне барып, тәрбиеленушілерді келе жатқан мерекемен құттықтап, сыйлықтар табыс етті. Балалардың қуанышы мен күлкісі – мұндай сәттердің қаншалықты маңызды екендігінің айқын дәлелі.
Сонымен қатар, өрт сөндірушілер мен құтқарушылар балаларға экскурсия жасады.
Балаларға арнайы техника мен жабдықтарды, құралдарды көрнекі түрде көрсетіп, олардың қалай пайдаланылатынын айтып берді.
– Бұл күн мереке ғана емес, өскелең ұрпақ үшін маңызды батылдық сабағы болды, – дейді ұйымдастырушылар.
Балалар өрт сөндірушілердің, құтқарушылардың жабдықтарын көріп қана қоймай, киіп көрді, бұл балалардың қуанышын тудырды. Олар сұрақтарын қойып, естелікке суретке түсті.