Ақпарат расталмады, деп хабарлайды  @Pavlodarnews.kz тілшісі.

Облыстық полиция департаменті баспасөз қызметінің мәліметінше, 6 қараша күні таңғы уақытта 102 пультіне қала тұрғындарының бірі қоңырау шалып, облыс орталығындағы үйлердің біріне бомба қойылғанын айтқан. 

– Ақпарат расталмады. Тәртіп сақшылары 28 жастағы күдіктіні тез арада анықтап, құрықтады. Ер адамның мас күйде болғаны белгілі болды,  – деді департаментте. 

Аталған фактіге қатысты Қылмыстық кодекстің 273-бабымен (Терроризм актісі туралы көрінеу жалған хабарлау) қылмыстық іс қозғалды.  Тергеу жүргізіліп жатыр.