Зауыт қараша айынан бастап өңірлердің ауа райы жағдайына байланысты битум түрлерін өндіруге кіріседі, деп хабарлайды @Pavlodarnews.kz тілшісі.

«Павлодар мұнайхимия зауыты» ЖШС мәліметінше, кәсіпорын ағымдағы жылдың 1 қарашасынан бастап әртүрлі климаттық аймақтар үшін битум шығаруға көшеді. Атап айтқанда, солтүстік және орталық өңірлер үшін БНД 70/100 маркалы, ал оңтүстік өңірлер үшін БНД 50/70 маркалы жол битумы өндіріледі.

Бұл шешім Қазақстан Республикасы Премьер-Министрінің бірінші орынбасары Н.М. Нәлібаевтың төрағалығымен өткен жергілікті маңызы бар автокөлік жолдарының сапасын арттыру жөніндегі республикалық семинар-кеңес хаттамасының тапсырмаларын орындау мақсатында қабылданды. Жаңа талаптарға сай келмейтіндіктен, бұрын шығарылған БНД 100/130 жол битумын өндіру тоқтатылады.

Жаңа стандарты өнімдер жол төсеніштерінің беріктігі мен сапасын арттыруға мүмкіндік береді.