Оған ерекше балалардың жазған тілектерін орындауға дайын азаматтар қосыла алады, деп хабарлайды @Pavlodarnews.kz.

«Vita» іздестіру ұйымы  «Аяз атаға хат» науқанын жыл сайын өткізіп келеді. 

– Биыл үйде қызмет көрсетілетін ерекше балалар мен мүгедектігі бар жандар мен облыстық психоневрологиялық диспансердегі балалардың хаттарын оқып, орындауға тырысамыз, – деді еріктілер. 

Балалардың армандарын орындаймын деушілер еріктілердің инстаграм парақшасында жарияланған хатты таңдай алады. Тұрғындар қай хатты таңдағаны туралы хабарламаны WhatsApp мессенджері арқылы 8 (747) 615-55-63 жазып жіберуі керек. Хаттағы жазылған сыйлықтарды алу мерзімі – 24 желтоқсанға дейін. 

– Әрбір адам, қандай болса да бақытты болуы керек. Балаларға қуаныш сыйлауға атсалысайық, – деді еріктілер. 

Еріктілер бүкіл есепті өздерінің инстаграм парақшасында жариялайды.