Шөп 24 наурыз күні сағат 13:31-де жанып кеткенімен, өрт түнде ғана сөндірілді, деп хабарлайды @Pavlodarnews.kz тілшісі.

Оқиға Ақсу қаласына қарасты Қамзин ауылдық округіне қарасты Қарабай ауылында болған. Оқиға орнына облыстық төтенше жағдайлар департаментінің күштері мен құралдары, ауылдық округ әкімдігінің өрт сөндіру бөлімі, орман күзетшілері мен ерікті өрт сөндіру жасақтары жіберілді. Барлығы 28 адам мен жеті техника жұмылдырылды.

- Өрт сөндіруді жекелеген өрт ошақтарына қолжетімсіздігі және екпінді жел (15м/с) қиындатты. Өрт сөндірушілер мен барлық тартылған қызметтердің келісілген іс-әрекетінің нәтижесінде сағат 22:57-де 44 гектар аумақта құрғақ шөп пен қамыс сөндірілді, - деп хабарлады төтенше жағдайлар департаментінің баспасөз қызметінде.

 Өрттің шығу себебі анықталуда.