Қалада «Қауіпсіз балалық шақ» жобасы аясында жас қатысушыларға арналған қауіпсіздік бойынша шеберлік сабағы ұйымдастырылады, деп хабарлайды @Pavlodarnews.kz тілшісі.

Іс-шара Павлодар қаласының әкімі Хасар Хабылбековтің қолдауымен және қалалық ішкі саясат бөлімінің «БАЛАҚАЙ» бағыты бойынша шағын гранты аясында жүзеге асырылуда.

Шеберлік сабағында бүлдіршіндер қауіпті бейтаныс адамдардың әрекеттерін ажыратуды үйренеді. Сондай-ақ, подъезге қауіпсіз кіру жолдары түсіндіріліп, төтенше жағдайда көмекке дұрыс жүгіну тәсілдері көрсетіледі. Үйде жалғыз қалған кезде өзін қалай ұстау керектігі де айтылады. Бұдан бөлек, қатысушылар жеке қауіпсіздікке қатысты пайдалы кеңестер алып, тәжірибелік дағдыларын жетілдіреді.

– Балалардың қауіпсіздігі – барлығымызға ортақ міндет. Кездесу барысында қатысушылар күнделікті жағдайда қажет болатын қарапайым әрі маңызды ережелерді меңгеріп, пайдалы тәжірибе жинайды, – деп атап өтті ұйымдастырушылар.

Шара 24 шілде күні сағат 17:00-де Мәшһүр Жүсіп көшесі, 280 мекенжайындағы футбол алаңында өтеді. Барлық қатысушыларға ақпараттық материалдар мен естелік сыйлықтар ұсынылады.