Олар екі телефонды тәтті рулеттің ішіне және құрманың қорабына салып, ішке кіргізуді көздеген, деп хабарлайды @Pavlodarnews.kz  тілшісі Polisia ақпараттық медиа-парталына сілтеме жасап.

Павлодар облысы бойынша ҚАЖД №63 мекемесінің тексеру тобының қызметкерлері азық-түлік ішінен беруге тыйым салынған заттарды тапты. Кондитерлік орамда және құрма қорабында SIM карталары бар екі ұялы телефон, сондай-ақ Wi-Fi құрылғысы табылды. 

Сәлемдеме аса ірі мөлшерде мал ұрлағаны үшін тергеу-қамауға алынған адамға арналған. 

- Келушілер сотталғандарға қолданыстағы заңнамамен тыйым салынған, тізімге кірмейтін заттарды беруге тырыспайды. Алайда арасында құйтырқы іске баратындар кездеседі. Бірақ мекеме қызметкерлерінің кәсібилігі, тәжірибесі мен үйлесімділігінің арқасында тыйым салынған заттар сотталушыларға жетпейді, - деді мекеме бастығы Берік Рахимов. 

Осы факт бойынша заңды бұзған азаматқа қатысты ҚР ӘҚБтК 481-бабы бойынша әкімшілік құқық бұзушылық туралы хаттама толтырылды. 

Материалдар сотқа жіберу үшін дайындалуда.