Екібастұзда түнде жеке үй өртенді
Өрттен ешкім зардап шеккен жоқ, деп хабарлайды @Pavlodarnews.kz тілшісі.
16 ақпан күні сағат 01:24-те Пішембаев көшесі, 11 мекенжайы бойынша өрт туралы хабарлама келіп түсті. Кірпішпен қапталған жеке ағаш үйде жиһаз және ағаш қаптамалары жалпы алаңы 15 шаршы метрде жанған.
- Оқиға кезінде зардап шеккендер жоқ. Өрт 01:54-те жойылды, - деді Екібастұз қаласының төтенше жағдайлар бөлімінде.
Өртті сөндіруге үш техника мен №2 өрт сөндіру бөлімінің жеке құрамының 14 адамы қатысты.
Фото: Константин Шелков
