Сондай-ақ оларға медициналық және әлеуметтік көмек көрсетілді, деп хабарлайды  @Pavlodarnews.kz тілшісі.

Қалалық жұмыспен қамту және әлеуметтік бағдарламалар бөлімінің мәліметінше, қайта әлеуметтендіру орталығының әлеуметтік патрульдік мобильді тобы ПБ-1 учаскелік инспекторларымен бірлесіп, Заслонов және Сұрағанов көшелерінің аумағында рейд жүргізді.

Мобильді патрульдің міндеті – қолдауды қажет ететін адамдарды анықтау және оларға уақытша баспана, медициналық және психологиялық көмек көрсету, сондай-ақ әлеуметтендіруге көмек көрсету.

– Қиын өмірлік жағдайға тап болған үш адам қайта әлеуметтендіру орталығына жеткізіліп, уақытша баспана, медициналық және әлеуметтік көмек көрсетілді. Бүгінде орталықта 116 адам өмір сүруде, қажетті қызметтер мен әлеуметтік байланыстарды қалпына келтіру бойынша жұмыс атқарулыда, – дейді бөлімде. 

Сондай-ақ, мобильді топ халықты қолжетімді әлеуметтік қызметтер туралы хабардар етіп, құжаттарды қалпына келтіруге және туыстарымен байланыс орнатуға көмектеседі. 

Бөлімде көмекке мұқтаж адамды байқаған жағдайда 102 нөміріне хабарлауға кеңес береді.