Жобаны іске асыру бойынша бірінші кезектегі қадамдар айқындалды, деп хабарлайды @Pavlodarnews.kz тілшісі.

Павлодар облысының ауыл шаруашылығы басқармасының басшысы Дархан Дощановтың төрағалығымен «ADAM» инженерлік корпорациясының өкілдерімен кездесу өтті. Аймақтың ауылшаруашылық секторын өзгертуге уәде беретін жаңбырлатқыш машиналар шығаратын зауыт салу жобасы қарастырылды. 

Кездесу барысында ынтымақтастық перспективалары талқыланып, жобаны іске асыру бойынша бірінші кезектегі қадамдар айқындалды.

Қатысушылар жаңа кәсіпорын аграрлық саланың дамуына айтарлықтай әсер ететінін және әртүрлі құрылымдар арасындағы серіктестік байланыстарды нығайтатынын атап өтті.

Кездесу соңында одан әрі уағдаластықты жалғастыру туралы және 12-13 тамызда өтетін Астана қаласындағы зауыттың тұсаукесеріне шақыруға қол жеткізілді.