Байқау қорытындысы бойынша Павлодар мектебінің 16 оқушысы жүлделі орындарға ие болды, деп хабарлайды @Pavlodarnews.kz тілшісі. 

Мәскеу қаласында жыл сайын өтетін «Шексіз балалық шақ» халықаралық фестиваліне балалар көркемсурет мектебінің 25 оқушысының «Золотая нить традиций», «Волшебная кисточка», «Подарок другу», «Ярмарка ремесел» номинациясы бойынша жұмыстары жіберілген. 

– Оқушылардың жұмыстары әртүрлі техникада орындалды: кескіндеме, акварель, графика, сәндік-қолданбалы өнер. Негізінен балалар «Золотая нить традиций» номинациясы бойынша жұмыстарды орындады. Қазақ халқының дәстүрлі қолөнері туралы айтты: шимен тоқу, құрақ құрау және киізден жасалған коллаж. Кішкентай қатысушыларды «Волшебная кисточка» және «Подарок другу»  номинациялары қызықтырды, – дейді директордың оқу жұмысы жөніндегі орынбасары Инна Масленникова.

13 жастағы  Ксения Шиповская – «Айсұлу» суреті үшін,  15 жастағы Дильназ Калиева –  «Страсти по Ван Гогу» жұмысы үшін, Кацарская София –  «Кеңес Одағының Батыры Рубен Руис Ибарурр» жұмысы үшін бірінші орынды алып, дипломдармен марапаттады. Олардың жетекшілері – Светлана  Рейн, Шамиль Шушаев. 

15 жастағы Аяна Аятова –  «Бесікке салу дәстүрі», 13 жастағы Софья Чабанова – «Менің шеберханам», 15 жастағы Азиза Бауыржан –  «Отбасылық наубайхана» суреттері үшін екінші орынды иеленді.  Жетекшілері –  Светлана Рейн,  Александра Ловина-Самошкина.

Сондай-ақ сегіз жасар оқушылар Есения Червинская – «Коллекцияны толықтыру», Айлин Исабекова –  «Мұқият есте сақтайық!», Айлин Серік – «Күн суретшісі», 10 жасар оқушылар Айханым Оралхан  – «Көк аспан астында», Варвара Цыганко –  «Әженің кілемі», 13 жастағы Софья Герасименко –  «Кеңес Одағының Батыры Әлия Молдағұлова», 14 жаста Илья Солоденко –  «Буренка», Дарина Абдулкаюмова «Сәндік натюрморт» суреттері үшін үшінші орынды иеленді. 

Жетекшілері – Татьяна Ахметжанова, Гүлнар Мұхаметқалина, Инна Масленникова,   Наталья Решетова.