Сөрелердегі кітаптар күн сайын жаңартылады, деп хабарлайды @Pavlodarnews.kz.

С.Торайғыров атындағы облыстық кітапхана жанында оқырмандар үшін «Ашық кітапхана» ашылды.

– Тұрғындардың бос уақыты шектеулі болғандықтан, кейде жұмыс уақытында кітапханаға баруға үлгермей жатады. Сондықтан «Ашық кітапхана» жобасы адамға ыңғайлы, кез келген уақытта кітаптарды пайдалануға мүмкіндік беру үшін ойластырылған,– деді кітапханада.

Буккроссинг бойынша адамдар кітапты алып, оқып болғаннан кейін қайтадан оны қайтарады немесе орнына басқа кітапты әкеледі. 

«Ашық кітапхана» қорындағы кітаптар әртүрлі жастағы аудиторияға арналған және әртүрлі талғамды қанағаттандыру үшін салалық және көркем әдебиетті қамтиды.  Сөрелерге күн сайын 30-40-қа жуық кітап пен журналдар қойылады.