Оның тиісті құжаттары болмаған, деп хабарлайды  @Pavlodarnews.kz тілшісі.

Облыстық полиция департаменті баспасөз қызметінің мәліметінше, «Такси» жедел профилактикалық іс-шарасын өткізу кезінде Қамзин көшесінде 45 жастағы жергілікті тұрғын басқарған сұр түсті «Тойота Камри» маркалы автокөлікті тоқтатты. 

– Тәртіп сақшылары құжаттарды тексерген кезде оның тиісті рұқсатсыз кәсіпкерлік қызметпен айналысқаны, атап айтқанда, «Регион» қосымшасымен қажетті рұқсаттар мен тиісті құжаттарсыз такси жүргізгені анықталды, – дейді Ақсу қаласы полиция бөлімі бастығының бірінші орынбасары Айдар Сламбеков. 

Кәсіпкерлік немесе өзге де қызметпен айналысқаны, сондай-ақ тиісті тіркеусіз, рұқсатсыз немесе хабарлама жібермей іс-әрекеттерді (операцияларды) жүзеге асырғаны үшін ер адамға қатысты әкімшілік хаттама толтырылды, материал сотқа жіберілді.