Әйел алкогольді сату лицензиясынан айырылып қала жаздады, деп хабарлайды @Pavlodarnews.kz тілшісі.

Облыстық кәсіпкерлер палатасы баспасөз қызметінің мәліметінше, Пресное ауылының кәсіпкеріне аудандық прокуратура алкоголь өнімін сатқаны үшін әділетсіз жазадан құтылуға көмектесті.

Аймақ прокурорының орынбасары Нұрлан Опабеков дүкен иесіне қатысты полицейлер жасаған әділетсіз хаттама туралы айтты.

– Павлодар аудандық прокуратурасына Пресное ауылынан дүкен иесі хабарласқан. Ол учаскелік полиция инспекторының алкогольдік ішімдіктерді сату кезінде заң бұзғаны туралы әділетсіз хаттама жасағанын хабарлады, – деді Нұрлан Опабеков «Атамекен» ӨКП аудандық филиалының директоры Әкежан Бақытбеков қатысқан прокуратураның Ашық есік күнінде.

Сотта заң қорғаушысының бұзушылығы анықталып, әкімшілік материал тоқтатылды. Кәсіпкердің құқықтары қорғалып, енді ол жұмыс істей алады.