Меншік иелеріне келтірілген залал бір миллиард теңгеден асты, деп хабарлайды @Pavlodarnews.kz тілшісі.

 Павлодар облысы прокуратурасының мәліметінше, өңірдегі кәсіпорындардың бірінде қылмыстық топтың рейдерлік фактісі бойынша қылмыстық іс қозғады. Қадағалау органының бастамасы негізінде жедел іздестіру шаралары нәтижесінде қылмыстық жетекшінің басшылығымен қылмыстық топ ұзақ уақыт бойы қорқыту және құжаттарды бұрмалау арқылы кәсіпкерлердің мүлкін тартып алумен айналысқаны анықталды.

– Қылмыстық топтың құрамы рөлдерді нақты бөліп, кәсіпкерлердің мүлкін иемденген. Меншік иелеріне кәсіпорын мүлкіне кіругее шектеу қойылып, заңды тұлға үшінші тұлғалардың атынан тіркелген, кейін мүлік сатылған, – деп жазылған хабарламада.

Соттың санкциясымен қылмыстық іс бойынша қатысқан адамдардың мүлкі тәркіленіп, негізгі күдікті қамауға алынды.

Қадағалау ретімен жоғарыда аталған қылмыстық топқа жетекшілік ететін тұлғалардың қылмыстық әрекетінің басқа фактілері бойынша 5 іске қатысты сотқа дейінгі тергеу қайта жалғасты.

Нақты уақытта экономикалық тергеу басқармасымен сотқа дейінгі тергеу жүргізіп жатыр.

Қазақстан Республикасының Қылмыстық-процестік кодексінің 201-бабына сәйкес тергеу мүддесі үшін басқа ақпарат жария етілмейді.