Чемпионатқа 135 қатысушыдан тұратын 25 команда қатысты, деп хабарлайды @Pavlodarnews.kz тілшісі.

Облыстық білім беру басқармасының мәліметінше, Павлодар қаласының Ж. Тәшенов атындағы мектебінде FIRST Kazakhstan 2024-2025 FIRST DIVE маусымы робототехника бойынша ұлттық чемпионаттың өңірлік іріктеу кезеңі өтті.

Облыстық білім беру басқармасының ақпараттық технологиялар орталығы, «Ертіс дарыны» өңірлік оқу-әдістемелік орталығы, «USTEM Robotics» робототехниканы дамыту қоғамдық қоры және «Робототехниканы дамыту Федерациясы» қоғамдық қорының бірлесуімен үш санат бойынша ұйымдастырылды.

–   Чемпионатқа Павлодар қаласынан – 13, Екібастұз қаласынан – 5, Ақтоғай ауданынан – 2, мамандандырылған мектептеріден 5 команда, жалпы 135 қатысушыдан тұратын 25 команда қатысты, – деді ұйымдастырушылар.

FIRST LEGO League Discover (4-6 жас аралығында, 2-ден 4-ке дейін топ мүшеден туратын команда) санаты бойынша: «Incredible Innovators» номинациясын Павлодар қаласы №42 мектепке дейінгі гимназияның АкваРоббы, «Excellent Explainers» номинациясын «Saturn» робототехника мектебінің Аква-Гении командалары жеңіп алды, «Champions Award Finalist», №111 сәбилер бақшасы «Подводные строители» командалары «LEGO League Discover» санаты бойынша іріктеу кезеңінің финалисті атанды.

«Октонавты» командасы және Екібастұз қаласының №21 ресурстық орталығы «LEGO League Discover» санаты бойынша іріктеу кезеңінің «Champions Award Winner» чемпионы атағына лайық деп танылды.

LEGO League Explore (6 жастан 10 жасқа дейін, 2-ден 4-ке дейін топ мүшеден тұратын команда) санаты бойынша: «Brightest Presentation Award» номинациясын BM_team және Б. Момышұлы атындағы ЖОМ, «Against All Odds Award» номинациясын №2 ЖОМ-ның RoboHeart junior, «High Programming Award» номинациясын №21 ЖОМ-ның «Подводные путешественники», «Gracious professionalism Award» номинациясын Billion team, Екібастұз қаласы «Robo Kids» робототехника мектебі жеңіп алды.

Чемпионат қорытындысы бойынша ең мықты командалар облыстық білім беру басқармасының сертификаттарымен және құнды сыйлықтармен марапатталды.