Сондай-ақ ол жерлестерін тек ресми ақпарат көздеріне сенуге шақырды, деп хабарлайды @Pavlodarnews.kz тілшісі.

Облыстық мәслихат төрағасы Илья Теренченко «Сарыарқа самалы» және «Звезда Прииртышья» газеттеріне 20 жазылым сатып алды. Депутат бұл сертификаттарды облыстық «Замандас» ардагерлер клубына тапсырды.

– Біз барша ардагерлеріміздің өңірде, елде, әлемде болып жатқан барлық маңызды оқиғалардан хабардар болып, тек ресми ақпарат көздеріне сеніп, газеттерімізді оқығанын қалаймыз. Біздің «Сарыарқа самалы» және «Звезда Прииртышья» газеттері әрқашан объективті және өзекті ақпарат көзі болып табылады, сондықтан біз бұл сертификаттарды «Замандас» клубына береміз және басқа партиялар мен ұйымдар бұл бастаманы қолдайды деп үміттенеміз, - деді Илья Теренченко.

Өз кезегінде клуб жетекшісі Нұрбану Әмірғалиева партия мүшесіне сыйлық үшін алғысын білдіріп, меценаттардың да қолдауына сенім білдірді.

Сонымен қатар, облыстық мәслихат төрағасы Илья Теренченко алдағы көктемде клубтың шатырын жөндеуге көмектесуге уәде берді.