Орталық алаңда 2025 жылдың символы ретінде мұз айдыны ашылады, деп хабарлайды @Pavlodarnews.kz тілшісі.

Өтіп бара жатқан жылдың соңғы апталарында қала билігі ғана емес, бизнес өкілдері мен тұрғындар да қаланы мерекеге орай безендіре бастады. Жаңа жылдық гирляндтармен ғимараттардың қасбеттері безендірілуде, қолдан жасалған қысқы фигуралар, қондырғылар мен фотоаймақтар орнатылуда.

Орталық көшелердің ағаштарына жарықдиодты жіптер мен жеңіл шарлар ілінді.

Гагарин саябағында жаңашылдық ретінде гирляндадан жасалған жарқыраған жамылғы пайда болды. Дәл осындай жамылғы жағалаудағы жаяу жүргіншілер жолының үстінде жайылған.

Орталықтағы шырша шатыр тәрізді шамдармен безендірілді. Маңайында сәулет элементтері орнатылды: жұлдыз тәрізді арка, сыйлық қорабы, шырша әшекейлері.

Павлодарда 75 мұз айдыны орнатылады: оның 42-сі мектеп алаңында, 10-ы Жетекші, Павлодар, Ленин, Кенжекөл, Мойылды ауылдарында және 23 хоккей корты қаланың әртүрлі шағын аудандарында. Қалалық саябақта, Гагарин саябағында, Ертіс шаңғы базасында және  Малайсары батыр көшесі, 39 мекенжайындағы «Шығыс» жабық хоккей кортында коньки тебу құралдарын жалға беру пункттері ұйымдастырылған. 

 «Ертіс» және «Зеленая роща» шаңғы орталықтары жұмысын бастады. Мұнда сноубордтарды жалға ала алуға болады, конькилер мен шаңғыларды тегін ұсынады.

Хоккейді ұнататын тұрғындар келесі мекенжайлар бойынша кез келген алаңға бара алады:

Қалалық саябақ, Генерал Дүйсенов көшесі, 105;

Жабық алаңы, Малайсары батыр көшесі, 39;

Гагарин саябағы;

«Ертіс» тау шаңғы базасы, Усолка шағын ауданы, 1А;

Ақ.Бектұров көшесі, 15;

Астана көшесі,, 10;

Ткачев көшесі, 15;

Қамзин көшесі, 68;

Катаев көшесі, 101;

Чкалов көшесі, 130;

Айманов көшесі, 28;

Н.Назарбаев даңғылы, 6/2;

Н.Назарбаев даңғылы, 20;

Н.Назарбаев даңғылы, 42;

Құдайбердиев көшесі, 6;

Павлов көшесі, 44;

Торайғыров көшесі, 6;

Гагарин көшесі, 30;

Торайғыров көшесі, 44/1;

Ломов көшесі, 159;

Ак. Сәтбаев көшесі, 243;

«Астана» мұз сарайы, Қайырбаев көшесі, 87;

Павлодарское ауылы, Нұртас ДМК аумағында.

Қала тұрғындарының көңілін көтеру үшін қысқы қалашықта әртүрлі жасқа арналған сырғанақтардың бірнеше түрі, металл жарықтандыру құрылымдары, шағын архитектуралық пішіндер, шырша орнатылды. Қалада барлығы жеті шырша қалалық саябақтарға орналастырылады.

Естеріңізге сала кетейік, орталық шыршаны жағу 21 желтоқсан, сағат 17:00-ге жоспарланған. Мерекелік бағдарламада қазақстандық жұлдыздар: эстрада әншісі және актриса Жанар Дұғалова, сондай-ақ үш юмористен құралған «Меховая 8/1» тобы өнер көрсетеді.