Тұтынушыларға жылу мен жарыққа ақы төлеу және есептеулер бойынша күнделікті көмек көрсетіледі, деп хабарлайды @Pavlodarnews.kz тілшісі.

«Павлодар электр желілері компаниясы» АҚ баспасөз қызметінің мәліметінше, қызмет көрсету орталықтарында мекемеге келушілер саны тұрақты жоғары. Жыл сайын мамандар 164 мыңға жуық өтінішті өңдейді, ал бір күн ішінде орталықтар 300-ге жуық адамды қабылдайды.

Негізгі сұрақтар электр энергиясы мен жылумен жабдықтауға қатысты есептеулерге негізделген. Мамандар әрбір тұтынушы үшін қызмет көрсету процесін барынша түсінікті етуге тырысады.

– Біздің басты міндетіміз – әр сұраққа нақты, толық жауап беру. Өтініштер көбінесе электр энергиясы мен жылумен жабдықтауға байланысты есептеулерге қатысты болады, – дейді қызмет көрсету орталығының бастығы Динара Жексинбекова.

Қазіргі уақытта қала бойынша үш филиал жұмыс істеп тұр: Кривенко көшесі, 27, Ломов көшесі, 160 және Академик Сәтбаев көшесі, 101.

Тұрғындарға ыңғайлы болу үшін цифрлық сервистер де іске қосылған. Мәселен, ақпаратты @ПРЭКбот Telegram-арнасы немесе +7 702 739 54 53 WhatsApp нөмірі арқылы жедел білуге болады. Сондай-ақ 90-33-09 байланыс орталығы да тұрақты қызмет көрсетеді.