«Қолжетімді Қазақстан» жобасының жетекшісі Александра Шаронова денсаулық сақтау объектілерін салу және жобалау сапасына қатысты ескертулер айтты, деп хабарлайды @Pavlodarnews.kz тілшісі.

«AMANAT» партиясы облыстық филиалының мәліметінше, бұл туралы білім және денсаулық сақтау мәселелері жөніндегі өңірлік кеңестің қорытынды отырысында айтылды. Жиынға партияның өңірлік филиалының атқарушы хатшысы Айгүл Маликова, кеңес төрағасы Света Абдраманова, мемлекеттік органдар мен үкіметтік емес ұйымдардың өкілдері, сарапшылар қатысты.

Отырыстың басты тақырыптарының бірі ерекше қажеттіліктері бар адамдар үшін денсаулық сақтау нысандарының қолжетімділігі болды. Бұған дейін кеңес Павлодар ауданы Набережное ауылындағы фельдшерлік-акушерлік пунктке барып, мүгедектігі бар адамдарға арналған нормаларға сәйкес бірқатар бұзушылықтарды анықтады. Мысалы, пандустар, есіктер, көтергіштер, арнайы ванна бөлмелері сәйкес келмеді, есіктер мен дәліздер кең.

Александра Шаронова денсаулық сақтау объектілерін салу және жобалау сапасына қатысты ескертулер айтты. 

– Немқұрайлы құрылысшыларды лицензиядан айыру және нормаларды бұзғаны үшін қатаң санкциялар енгізу керек, – деп санайды жоба жетекшісі.

Құрылыс басқармасының басшылығы жобалар  жобалау-сметалық құжаттамаға сәйкес орындалатынын, сараптамалар жүргізіліп жатқанын атап өтті. Дегенмен ведомствода ЖСҚ жобаларын бақылау бойынша мамандар жоқ, өйткені бұл жұмыс аутсорста әзірленуде.

Кеңес мүшелері елдегі бірде-бір нысан мүгедектер үшін нормаларға сәйкес келмейтіні жайлы айтып,  құжаттарды рәсімдеу барысында кем дегенде бір шағын түсініктеме қосуды ұсынды. Ал содан кейін нормалар орындалмаған жағдайда жобалық бюроға шағымдануға болады. Бұдан басқа, техникалық тапсырманы, ЖСҚ, мемлекеттік сараптаманы және т. б. әзірлеуден бастап, толық мониторинг жүргізу үшін материалдарды  қала құрылысы және жер бақылау басқармасы мен прокуратура органдарына жіберу ұсынылды.