Кавалерия бөлінісінде барлығы 17 жылқы бар, деп хабарлайды @Pavlodarnews.kz.

Облыстық полиция департаментінің баспасөз қызметінің мәліметінше, күн сайын екі бағытқа төрт ат үстіндегі қызметкер саяжайларда патрульдеу жүргізеді.

Тұрғындар, бау-бақша қоғамдарының төрағалары мен күзетшілері күдікті бейтаныс адамдар немесе айналасындағыларды мазалайтын мас адамдар жүрген кезде кімге жүгіну керектігін біледі.Жазғы кезеңде қырағы тұрғындармен тығыз байланыс бірнеше ұрлықтың жолын кесуге мүмкіндік береді.

– Атты патруль өзін ыңғайлы көлік құралы ретінде көрсете білді. Көлік жүре алмайтын жерде жылқылар жүреді. Полиция қызметкерлері аумақта заңсыз жүрген адамдарды анықтау мақсатында бау-бақша шаруашылығында үнемі рейдтер жүргізеді. Сондай-ақ құрылыс объектілерін, оның ішінде тоқтатылған және қараусыз қалған ғимараттарды, саяжай учаскелерін тексереді,– деді департаментте.

Тәртіп сақшылары тұрғындарға өз мүлкін қорғау бойынша шаралар қабылдау қажеттігін еске салып отырады.

– Саяжайларда құнды заттарды қалдырмаңыз, сенімді құлыптарды қолданыңыз, мүмкіндігінше өз учаскелеріңізді жиі тексеріп отырыңыз, – дейді Павлодар қаласы ПБ бастығының бірінші орынбасары Арман Қаптаев.

Сондай-ақ, полицейлер кез келген заң бұзушылықтар туралы «102» арнасына дереу хабарлауға немесе «police 102» мобильді қосымшасын пайдалануға шақырады.