Эпидемиологтар тексеріс жүргізуде, деп хабарлайды @Pavlodarnews.kz.

Әлеуметтік желіде @ vseobovsem_pvl парақшасында павлодарлық тұрғын облыс орталығындағы белгілі кондитерлік желісінен құймақ алып, уланып қалғаны туралы шағым жазып, жариялаған. 

– Ауруханаға барғанымда  сальмонелла табылды. Санэпидбақылау басқармасына жүгініп, шағым жаздым, – деп жазды зардап шеккен әйел.

Павлодар қалалық санитарлық-эпидемиологиялық бақылау басқармасының мамандары аталмыш факті бойынша тергеу ашып, тексеріс жүргізуде. 

– Департаментке улану бойынша төрт адам жүгінді. Барлық жағдайлар анықталғанға дейін улануға себепші болған құймақ өнімдерін жеткізу және сату дереу тоқтатылды. Басталып кеткен тексеру барысында санитарлық заңнаманы бірқатар бұзушылықтар анықталды, – деді басқармада. 

Бұзушылықтарды жою бойынша дереу шаралар қабылданды. Тексеру жалғасуда.