Қылмысы анықталса ол ұзақ мерзімге сотталуы мүмкін, деп хабарлайды @Pavlоdarnews.kz.

Абай облысында 31 жастағы павлодарлық ұсталды. Ол Екібастұз, Ақсу және Семей қалаларында психотроптық заттарды жеткізді және сатты деген күдікке ілінді.

- Павлодарлықты Семей есірткі қылмысына қарсы іс-қимыл бөлімінің қызметкерлері Ұлттық ұланның арнайы бөлімшесімен бірлесіп "Ертіс" бекетінде ұстады, - деп хабарлады Polisia.kz. - Машинаны тінту барысында ұнтақ заты бар 67 полимерлі пакеттерге түйілген есірткі заты табылды. Сараптама бұл психотроптық a-PvP затының аналогы екенін көрсетті.

Алынған заттың жалпы салмағы 30 грамнан асады. Ұсталған адам Семейдегі уақытша ұстау изоляторына қамалды.

Сотқа дейінгі тергеп – тексеруді Қылмыстық Кодекстің 297-бабының үшінші бөлігі - "есірткі құралдарын, психотроптық заттарды, олардың аналогтарын өткізу мақсатында заңсыз дайындау, қайта өңдеу, сатып алу, сақтау, тасымалдау" бабы бойынша тергеу жүргізіледі.

Павлодарлыққа 15 жылға дейін бас бостандығынан айыру қаупі төніп тұр.