Бойжеткен ыстықта шомылмақ болған, бірақ ағыста әлсіреп, жүзе алмай қалған, деп хабарлайды @Pavlodarnews.kz тілшісі.

Усолка өзенінің акваториясын патрульдеу кезінде Төтенше жағдайлар министрлігінің құтқарушылары суға батып бара жатқан 2000 жылы туған қызды құтқарды.

– Зардап шегуші ыстық ауа райында шомылғысы келіп, әлі келмей бата бастағаны белгілі болды. ТЖД Жедел-құтқару жасағының қызметкерлері оған тез арада жүзіп барып, қайыққа көтеріп алды. Құтқарушылар жақын болмағанда қайғылы жағдай орын алушы еді, – деді облыстық ТЖД баспасөз қызметі.

Құтқарылған азамат мән-жайды анықтау үшін 102-қызметке берілді. Медициналық көмек қажет болған жоқ.