Аумақты саяжай учаскелерін алу есебінен дамыту жоспарлануда, деп хабарлайды @Pavlodarnews.kz тілшісі.

Қалалық мәслихат сессиясында жер қатынастары бөлімінің басшысы Руслан Дәуітбаев Достық шағын ауданында көппәтерлі тұрғын үй кешенін, трамвай жолдарын және «жайлы мектеп» салу жоспарларын ұсынды. 

– Павлодарды оңтүстік бағытта әлеуметтік мәдени тұрмыстық объектілері бар көпқабатты кешендер салу үшін саяжай учаскелерін алу есебінен дамытуды көздеп отырмыз. Қазір шағын ауданды салу үшін құны төрт миллион теңгеден асатын екі жер учаскесін алдық, – дейді Руслан Даутбаев. 

Сондай-ақ, депутат Достық шағын ауданында егжей-тегжейлі жоспарлау жобасына сәйкес трамвай жолдарын салуды жоспарлап отырғанын айтты. 13 меншік иесімен 23,5 миллион теңгеге учаскелерді сату келісілді. 

Үкімет қаулысына сәйкес Павлодарда бес мектеп салу жоспарланған. Солардың бірі – Усолка шағын ауданындағы 1200 орындық «жайлы мектеп». 

– Бұл ауданда шамамен 1300-ге оқу орындарының тапшылығы байқалады. Жобаның тапсырыс берушісі «Samruk – Kazyna Construction» бюджетті және мердігерлерді, ал қала билігі жер учаскелері мен кадрларды қамтамасыз етеді, –  деп түсіндірді мәслихатта.  

Мектепті Құдайбердиев, Абай және Рылеев көшелерінің шекараларында салу жоспарлануда. Меншік иелерінің бірімен 269,2 миллион теңге сомасында жазбаша келісімге қол жеткізілді.