Түнде облыстың солтүстігінде, шығысында қар жауады, деп хабарлайды  @Pavlodarnews.kz тілшісі.

Қазгидрометтің мәліметінше, боран болады. Күндіз жолдарда көктайғақ күтіледі. Облыстың оңтүстігінде тұман түседі. 

Оңтүстік-батыс желінің екпіні секундына 9-14 метрді құрайды. Облыстың батысында, солтүстігінде, шығысында ауа температурасы түнде -7...-12, облыстың батысында  -15, күндіз 0...-5 градус көрсетеді.

Павлодар қаласында ауыспалы бұлтты, жауын-шашынсыз, күндіз жолдарда көктайғақ болады. Сынап бағанасы түнде -10...-12, күндіз  -1...-3 градус көрсетеді.