Станцияда шығатын түтін газдары үнемі бақыланады, деп хабарлайды @Pavlodarnews.kz тілшісі.

«ПАВЛОДАРЭНЕРГО» АҚ қоғаммен байланыс бөлімінің  мәліметінше, Екібастұз ЖЭО қаланың оңтүстік бөлігінде орналасқан. Климаттық жағдайларға сәйкес, жел көбінесе оңтүстік-батыстан соғады. 

– Желдің сол бағытта соғуы салдарынан ЖЭО-дан шақырымдағы санитарлық-қорғау аймағында орналасқан оңтүстік кентке және 31-ші шағын ауданның бір бөлігіне түседі. Нормативтік актілерге сәйкес санитарлық-қорғау аймағында құрылыс салуға тыйым салынады, – деп хабарлады бөлімде.

Сондай-ақ кәсіпорында станцияда шығатын түтін газдары үнемі бақыланатынын  хабарлады. 

– Екібастұз ЖЭО жылу энергиясын өндіру кезінде «Богатырь Көмір» ЖШС-нің «Северный» разрезіндегі  көмірдің тоннасына 43% келетін күлді пайдаланады. Отынды жағу процесінде негізгі қалдықтар шлак пен күл түрінде түзіледі, – деп жазылған хабарламада. 

 Естеріңізге сала кетейік, облыстық экология департаменті Екібастұз қаласы тұрғындарының шағымына қатысты жауап берген болатын.