Дуэт ұпай саны бойынша рекорд орнатты, деп хабарлайды @Pavlodarnews.kz тілшісі.

Павлодарлық Роман Иванов пен Шерзод Хаширбаев Қазақстан тарихындағы фристайл-акробатикадағы алғашқы «алтынды» жеңіп алды. Синхронды секірулерде оларға 97,92 балл берілді, бұл қазақстандықтарға Қытайдан келген екі жұптан — «күміс» және «қола» қарсыластарынан озуға мүмкіндік берді.

– Біздің спортшылар «алтынды» жеңіп алып қана қоймай, жаңа Азия рекордын орнатты. Бұл жеңіс біздің еліміз үшін үлкен маңызға ие <...>. Еңбек пен кәсібилігі осы табыстың кепіліне айналған жаттықтырушылар мен бүкіл команда ерекше алғыс сөздеріне лайық, – деді Қазақстанның туризм және спорт министрі Ербол Мырзабосынов.

Павлодар облысының әкімі Асайын Байханов Роман Ивановты марапатымен алғашқылардың бірі болып құттықтады. Аймақ басшысы спортшыға табандылығы үшін алғысын білдіріп, оның елге оралуын асыға күтетінін айтты. 

Бұл – Қазақстан құрамасы үшін Азиададағы екінші «алтын». Бұған дейін фристайл-акробатикада әйелдер командасы «қола» жеңіп алған.