Екібастұз қаласына қарасты Солнечный кентінде Конституция көшесі, 8 мекенжайы бойынша орналасқан  тұрғын үйде өрт шықты, деп хабарлайды   @Pavlodarnews.kz.

Облыстық ТЖД өрт сөндіру және авариялық-құтқару жұмыстары қызметінің  мәліметінше, өрт туралы хабарлама 101 басқару  пультіне бүгін, 12 ақпанда сағат 03.02-де түскен.

Екі бөлмелі пәтерде он шаршы метр аумақта жиһаз жанған.

- Құтқарушылар пәтердің ішін барлау кезінде 1964 жылы туған ер адамның денесі табылды. Тілсіз жау сағат 04.14-де сөндірілді, - деп хабарлады өрт сөндіру қызметінде.

Оқиға орнында № 2 мамандандырылған өрт сөндіру бөлімі жұмыс істеді.