Қазылар алқасы 22 қатысушыны іріктеді, деп хабарлайды @Pavlodarnews.kz.

Halyq радиосының бас редакторы Раушан Сыбанжанованың айтуынша, Халық радиосының 85 жылдығы аясында жарияланған байқауға Астана, Алматы қалалары мен Шығыс Қазақстан облысының тұрғындары белсенді қатысқан. Сондай-ақ «Halyq dauysy»  байқауына Моңғолия мен Ресейдің таланттары өтініш білдірген.

– Фестивальге қатысу туралы 125 өтініш түскен болатын.  Қазылар алқасы 22 қатысушыны іріктеді. Конкурс жеңімпаздары осы 22 өнерпаз арасынан анықталатын болады. 15 жасқа дейінгі балалар және жасөспірімдер арасынан бір жеңімпаз және бір арнайы сыйлық, он алты жастан жоғары орындаушылар арасынан да бір жеңімпаз және бір арнайы сыйлық иегері анықталатын болады, – деді Раушан Сыбанжанова.

Іріктеу кезеңінен өткен қатысушылар 10 наурызға дейін  қазылар төрелігіне бір шығармадан ұсынады. 

Айта кетейік, фестивальдің қорытындысы мен жеңімпаздардың есімдері наурыз айының аяғында белгілі болады.  Олар  Ertis Promenade сахнасында өтетін концерт барысында өнер көрсетіп, марапатталады.