Мәдениет саласының үздігі Бек Тоқатовтың 50 жас мерейтойына орай «Кербез келіндер» комедиясы сахналанады, деп хабарлайды @Pavlodarnews.kz тілшісі.

Ж.Аймауытов атындағы облыстық қазақ музыка драма театрының белді де беделді актері, ҚР Мәдениет қайраткері Бек Мүлікұлы Тоқатов 50 жасқа толып отыр. Осынау мерейтойға орай, облыстық театрда 2024 жылғы 3 қараша күні, сағат 17.00-де Бек Тоқатов қайталанбас актерлік келбетімен ерекшеленетін «Кербез келіндер» спектаклі ұсынылмақ.

Спектакльдің авторы Е.Төлеубай, режиссері Е.Қауланов. 

Бек Тоқатов 1974 жылы 3 қарашада Шығыс Қазақстан облысы Күршім ауданы Теректібұлақ ауылында туған. 2007 жылдан бастап Ж.Аймауытов атындағы Павлодар облыстық қазақ музыка-драма театрында драма артисі болып еңбек етіп келеді.