Тұсаукесер Қаныш Сәтбаевтың 125 жылдығын мерекелеу аясында өтті, деп хабарлайды @Pavlodarnews.kz тілшісі.

Белгілі ғылым, мәдениет, саясат қайраткерлері кезек-кезек салтанатты түрде кітап блоктарының жібек бауларын қиып, сахна төріне шықты.

Ұйымдастырушылардың айтуынша, «Естеліктер кітабы» кітабын Халықаралық Сәтбаев қоры шығарған. Оны академиктің немересі, химия ғылымдарының докторы Әлима Жармағамбетова, ғалым, философ Ғаббас Бектұров және абайтанушы Тұрсын Жұртбай сыйлады.

Тұрсын Жұртбайдың «Еңбек сүйген өмір» эсселер жинағын Қ.Сәтбаев атындағы Қазақ ұлттық университетінің ректоры Мейрам Бегентаев таныстырды.

Ғалым Амантай Құдабаев Бекмаханов атындағы университет орталығындағы әріптестерімен бірлесіп академик Әлкей Марғұлан туралы «Дархан дарын» кітабын шығарды. Қазақ ғалымдарының ұжымдық жұмысының нәтижесі «Жүсіпбек Аймауытұлы» жинағы болды.

Торайғыров университетінің профессоры Амантай Құдабаев дарынды Шәкен Аймановтың оны қалай аға деп атағанын еске алып,  өз жинағын «Дархан дарын» деп атады.

– Бұл басылымдар сериясы болады. Бірінші кітапты Шәкен Аймановқа арнадық. Бүгін осы жерде Әлкей Марғұланды еске алуға арналған екінші кітаптың тұсаукесерін өткізіп жатырмыз, – деді жазушы. – Одан кейін Сәтбаев, Торайғыров сияқты тұлғалар жайлы жазуды жалғастырамыз.

Оның айтуынша, «Дархан дарын» кітабында Сәбит Мұқанов, Ғабит Мүсірепов, Шапық Шөкиннің Әлкей Марғұлан туралы естеліктері бар. Әлкей Хақанұлы ғылыми мақалалар жазды. Бұл жинаққа оның ғылыми мақалаларынан үзінділер енген. Оның қызы академиктің баға жетпес қолжазбаларын табуға көмектесті.

Естеріңізге сала кетейік, биыл қазақстандықтар Жүсіпбек Аймауытовтың 135 жылдығын, Қаныш Сәтбаевтың 125 жылдығын, Әлкей Марғұланның 120 жылдығын және Шәкен Аймановтың 110 жылдығын атап өтуде.