Павлодарлықтар «Алтын сапа» сыйлығын алуға өтінімдер бере алады

Павлодарлықтар «Алтын сапа» сыйлығын алуға өтінімдер бере алады
Фото: pavlodar.atameken.kz

Байқауға дара кәсіпкерлер мен заңды тұлғалар қатыса алады, деп хабарлайды @Pavlodarnews.kz тілшісі.

«Атамекен» Ұлттық кәсіпкерлер палатасы Қазақстан Республикасы Президентінің «Алтын сапа» сыйлығын алуға өтінімдер қабылдайды. Бұл сыйлық өнімдер мен қызметтердің сапасы саласындағы елеулі жетістіктері, олардың қауіпсіздігін қамтамасыз етуі, сондай-ақ сапаны басқарудың тиімді жүйесін енгізгені үшін беріледі.

Қатысуға қару-жарақ пен әскери техника өндірушілерін қоспағанда, Қазақстанда тауарлар өндірумен және қызметтер көрсетумен айналысатын дара кәсіпкерлер мен заңды тұлғалар шақырылады.

– Премия шағын, орта және ірі кәсіпкерлік субъектілеріне төрт номинация бойынша беріледі: «Өндірістік мақсаттағы үздік кәсіпорын», «Халыққа арналған тауарларды шығаратын үздік кәсіпорын», «Қызметтер көрсететін үздік кәсіпорын», «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын». Байқауда «Үздік индустриялық жоба» және «Үздік инновациялық жоба» арнайы сыйлықтары қарастырылған, – дейді «Атамекен» Павлодар өңірлік кәсіпкерлер палатасының директоры Ерқанат Әбенов.

Байқауға қатысу шарттарымен altynsapa.kz сайтында танысуға болады.