Қалада қоқыс жәшіктері жаңартылады, деп хабарлайды @Pavlodarnews.kz тілшісі.

Биыл 420 контейнер алаңын салып, 2000 еуро контейнер сатып алу жоспарлануда. Бұл туралы Павлодар қаласы әкімінің орынбасары Әнуарбек Аманов айтты.

Жекеменшік аумақтардан басқа, қаладағы барлық қоқыс жәшіктері ауыстырылады. Қазір қаланың 30-40 пайызын қамтыған.

– Жаңа евроконтейнерлер қалдықтардың үлкен көлеміне арналған, қалдықтардың ұшып кетуіне жол бермейтін ысырмалар бар. Жаңа контейнерлердің арқасында қаланың санитарлық жағдайын жақсартамыз деп ойлаймын, – деді Әнуарбек Аманов.

Сондай-ақ, контейнерлерден қоқыс тиейтін алты арнайы көлік сатып алынды. Ескі арнайы көліктердің жүк көтергіштігі үш жарым тонна болса, жаңа көліктер сегіз тонна жүк көтере алады. Демек, қоқыс тез шығарылып, аулалар тазарады.