2024-2025 жылдары қала кәсіпорындары санитарлық-қорғау аймақтарында 13 мыңнан астам ағаш пен бұтаны отырғызды , деп хабарлайды @Pavlodarnews.kz тілшісі.

Облыс әкімі Асайын Байханов қала тұрғындарымен кездесу барысында бұл жеткіліксіз екенін атап өтті.

– Ең бастысы, кәсіпорындардың отырғызған ағаштары жақсы тамыр жаймай жатыр, сол үшін біз экобелсенділер мен тұрғындардан бірнеше рет орынды сын естіп келеміз. Мен олардың пікіріне қосыламын. Қала әкіміне кәсіпорындардың басшыларына қатысты қажетті шараларды қабылдауды тапсырамын. Олар отырғызылған көшеттерге күтім жасау тәсілдерін өз міндеттемелері аясында толық қайта қарауы тиіс, – деді аймақ басшысы. 

Ол сондай-ақ тамшылап суару жүйелерін орнатуды да қолға алуды тапсырды. 

Бұдан бөлек, биыл облыс орталығында ескі ағаштарды бірнеше түрдегі толыққанды жапырақты ағаштарға алмастыру жобасы басталған. Артықшылық жөке ағаштарына берілген, себебі олар экологиялық және санитарлық пайда әкеледі.

– Бұл тәжірибені жалғастыру қажет. Себебі, бұл шара өз нәтижесін беріп, ең бастысы, қала тұрғындарына ұнауда, – деді Асайын Байханов. 

Облыс орталығының тұрғындарын ең көп алаңдататын маңызды бағыт – экологияның жағдайы және қаланың ескірген жасыл қоры.

Павлодарда шамамен 400 кәсіпорын бар, олар қоршаған ортаны ластаудың негізгі үлесін қосады.

Қаланың атмосфералық ауасының жағдайын бақылау үшін жеті бақылау бекеті орнатылған.

Қазіргі таңда автоматтандырылған эмиссияны бақылау жүйесі «Қазақстандық электролиз зауыты», «Павлодар мұнай-химия зауыты», «Қазақстан Алюминийі» және «Павлодарэнерго» кәсіпорындарында іске қосылған.

Бұл ретте, облыс әкімі табиғи ресурстарды пайдалану және қоршаған ортаны қорғау басқармасына, экология департаментімен және Павлодар қаласының әкімдігімен бірлесіп, қаланың барлық негізгі кәсіпорындарына осындай жүйелерді орнатуды тапсырды. 

– Өнеркәсіптің қарқынды дамуы  экологияға әсер ететінін жақсы түсінеміз. Сондықтан өңірдің индустриялық өсуін сақтай отырып, ластаушы заттарды азайтуға басымдық беру қажет, – деді аймақ басшысы. –  ERG тобының төрт ірі кәсіпорнында 178 миллиард теңге көлемінде кешенді экологиялық шаралар атқарылуда. 

Алдыңғы уақытта бұған – Павлодар мұнай-химия зауыты, облыстық орталықтың жылу-энергетикалық орталықтары толығымен қосылмақ.