Өңір бойынша сенбіліктер мен ескерткіштерді қалпына келтіру жұмыстары жоспарлануда, деп хабарлайды @Pavlodarnews.kz тілшісі.

Облыстың ішкі саясат басқармасы баспасөз қызметінің мәліметінше, «Таза Қазақстан» экологиялық науқанының аясында 13-20 сәуір аралығында «Киелі мекен» апталығында іс-шаралар ұйымдастырылады:

• апта бойы Ақтоғай ауылының Жеңіс саябағында облыстық мәслихат депутатының демеушісі, «Ақтоғай агро» ЖШС директоры Александр Терентьевтің күшімен ауылдың Ұлы Отан соғысының жауынгерлерін еске алу ескерткішінде қалпына келтіру жұмыстары және Май ауданында «Абылай найзатас», «Мақат қажы» кесенесінде, «Ақбалық Хазірет», «Қайса ата» ескерткіштерінде экологиялық апта;
• 15 сәуір күні Екібастұз қаласында сағат 10:00-де ағаштарды санитарлық тазарту және отырғызу, осы уақытта Ертіс ауылында Иса Байзақов ескерткішіне іргелес аумақты санитарлық тазарту, Павлодар қаласында сағат 15:00-де ауғандықтар саябағында «ЭКО VOLUNTEER» науқаны;
• 16 сәуір күні сағат 10:00-де Аққулы ауылының орталық саябағында «Батырларға тағзым» экологиялық науқанының басталуының аясында 37 ескерткішті санитарлық тазалау, Шарбақты ауылында ҰОС қаза тапқан жауынгерлерге ескерткіштерді тазарту жөніндегі экологиялық акцияның басталуы;
• 18 сәуір күні сағат 11:00-де Павлодар қаласында Қ. Сәтбаев ескерткішінің аумағын санитарлық тазарту;
• 19 сәуір күні сағат 10:00-де Железин ауылында «Ұрпақ жадында» науқанының, Успен ауылында сағат 15:00-де ҰОС қаза тапқан жауынгерлерге ескерткіштерді тазарту жөніндегі экологиялық акцияның басталуы, Луговской ауылдық аймағында сағат 11:00-де «Өткенге құрмет – тіріге міндет» науқанының аясында Таймас әулие кесенесінің аумағын тазарту, Ескелді шатқалындағы Мәшһүр Жүсіп кесенесінде сағат 10:00-де «Киелі мекен» ақциясы және осы уақытта Павлодар қаласында Жеңіс алаңын санитарлық тазарту;
• 20 сәуір күні сағат 12:00-де Ақсу қаласының Сәбит Дөнентаев атындағы алаңында «Таза қала» байқауы, Тереңкөл ауданында сағат 10:00-де ҰОС қаза тапқандарға арналған Даңқ ескерткішінің аумағын санитарлық тазарту, осы уақытта Павлодар ауданының Кемеңгер, Заңғар, Ново-Ямышево ауылдарының аумағында 300 шырша көшетін отырғызу науқаны және Павлодар қаласында Астана көшесі, 151 мекенжайындағы бұрынғы орыс-Азия сыртқы сауда банкі ғимаратының, жергілікті маңызы бар тарих және мәдениет ескерткішінің аумағын санитарлық тазарту жұмыстары жүргізіледі.

Бағдарламаға белсенді оқушылардан, жастардан  әдеби монтаж және музыкалық нөмірлер кіреді.