№46 мекеме ашық есік күнін өткізді, деп хабарлайды  @Pavlodarnews.kz тілшісі.

Акцияның мақсаты – колонияда жазасын өтеп жатқан сотталғандарды жұмысқа орналастыруды ынталандыру. 

Мекемеде барлығы он жеке кәсіпкер жұмыс істейді, ол жерлерде 78 сотталушы жұмысқа орналастырылған, сондай-ақ 33 адам «Еңбек-Павлодар» РМК-да жұмыс тапты.

Келушілерге мекеменің өнеркәсіптік аймақтары, «Еңбек-Павлодар» РМК филиалының өндірістік учаскесінің жұмыс істеп тұрған объектілері мен цехтары көрсетілді: көрпелер, матрацтар, жастықтар, жаймалар, іш киімдер өндіретін тігін цехы, кіреберіс металл есіктерді дайындау цехы, металл торларды өндіруге арналған жабдықтар, сондай-ақ дайындау процесі мен дайын өнім.

«Атамекен» ӨКП сарапшысы Айдос Шайхислам № 46 мекеме аумағында жұмыс істейтін кәсіпкерлердің учаскелерін қарап шықты. Мәселен, «Егоза» ЖК-де металл қоршауларын өндірудің техникалық мүмкіндіктері бар. «Томсон» ЖК тротуар төсеніштерінің технологиясы мен өндірісін, құм блоктарын өндіруге арналған білдекті көрсетті. «Асекритов» ЖК ағаш бұйымдарын шығарады: құрастырмалы стильді дөңгелек ағаш үстелдер, астау, ағаштан жасалған костюм ілгіштері, ішекті музыкалық бұйымдар (домбыралар), ағаштан жасалған нардалар, шахмат, жиналмалы металл мангалдар, жылқыларға арналған тізгіндер.

«Сазонов» ЖК автомашиналарды жөндеуге арналған ТҚС ұйымдастырды. Бұл жерде автомобильді толық қалпына келтіру, бөлшектеу және құрастыру, бояу, түзету жұмыстары, автомобиль шанағын герметизациялау сияқты көптеген қызметтер көрсетіледі. 

Сонымен қатар, Павлодар облысы кәсіпкерлер палатасының өкіліне дәретхана, шаруашылық, сұйық сабын дайындау қарастырылған сабын өндірісі бойынша бизнес-жоспар көрсетілді. Бұдан басқа, мекеме әкімшілігі болашақта қандай да бір өндіріс үшін алаң ретінде пайдалануға болатын үй-жайларды көрсетті. 

– «Атамекен» палатасы қай жерде болса да, тіпті, бас бостандығынан айыру орындарында да бизнеске көмек көрсетуге шақырады. Бұл  жердегі жағдайлар ерекше, бірақ қажет болса, сол жерге де көмекке келе аламыз, – дейді Павлодар облысы кәсіпкерлер палатасының директоры Ерқанат Әбенов. 

Мекемеде аталған автосервис қызметінің құны нарықтағы бағадан төмен екенін айтады.