Үйден 25 адам эвакуацияланды, деп хабарлайды @Pavlodarnews.kz.

Облыстық ТЖД баспасөз қызметінің мәліметінше,  18:24-те  Олжабай батыр көшесінде тұрған бес қабатты үйдің төртінші қабаттағы пәтерден өрт шыққаны туралы хабарлама келіп түсті.

Өрт сөндірушілер жуынатын бөлмеде кір жуғыш машина, киім және есік 10 шаршы метр аумағында жанып жатқанын анықтады. 

Өз бетінше 25 адам, оның ішінде екі бала эвакуацияланды.

Өрт сөндірушілердің арқасында тілсіз жау қысқа уақыт ішінде ауыздықталып, жойылды. Зардап шеккендер жоқ. Өрттің себебі анықталуда. Өрт сөндіру қызметінің 23 қызметкері, 7 техника мен апаттар медицина орталығы жұмылдырылды.