Ұқсас меморандумға Павлодар ауданында да қол қойылды, деп хабарлайды @Pavlodarnews.kz тілшісі.

Павлодар облысы Қазақстан халқы Ассамблеясы Аналар кеңесінің мәлімдеуінше, ынтымақтастықтың негізгі қағидасы теңдік пен өзара қарым-қатынаста, тұрақты серіктестік қатынастарды қалыптастыруға және тараптардың өзара түсіністігіне жәрдемдесу болып келеді.

Меморандумға сәйкес екі тараптың өкілдері білім бөлімі басшысының міндетін атқарушы Ольга Абельдинова және облыстық Аналар кеңесінің төрағасы Бақытжамал Максилова:

• бірлескен жобалар, идеялар мен бастамаларды құрып, іске асырылатын ақпаратпен алмасу;
• ұйымдардың жарғысынан тыс емес бірлескен жобаларды, идеялар мен бастамаларды іске асыру үшін штаттық қызметкерлерді, персоналды қосу;
• екі тараптың жұмыс жоспарына сәйкес бірлескен жобалар мен іс-шараларды өткізу;
• тақырыптық кездесулер, акциялар, форумдар, фестивальдар, конференциялар, жарыстар, байқаулар, семинарлар ұйымдастыру, біліктілікті арттыру курстарына және өзге де іс-шараларға қатысу;
• осы меморандум шеңберінен шықпайтын ғылыми-зерттеу және оқу-әдістемелік материалдармен, жарияланымдармен және өзге де ақпаратпен алмасу;
• жобаларды, идеяларды іске асыру және оларды іске асыру үшін жағдайларды жақсарту мәселелері бойынша бастамаларды техникалық қолдау және қарау;
• ақпараттық науқанды өткізу және оң имиджді өзара қалыптастыру;
• бірлескен жобалар мен іс-шараларды іске асыру бойынша бірлескен цифрлық ресурстарды әзірлеуге уағдаласты.

Іс шара сонында аудан әкімінің орынбасары қонақтарға естелікке Ақтоғай ауданы туралы кітап сыйлады.

Одан бөлек «НҰР-АНА әлемі» қоғамдық бірлестігінің төрағасы Бақытжамал Максилова ауданда өткен «Қыз – елдің көркі, гүл – жердің көркі» танымдық шарасына қатысты. 

Ауданның бас имамы Ахметолла қажы Жандарбекұлының ұйымдастыруымен өткен танымдық шараға облыстық, қалалық және аудандық аналар кеңесінің төрағалары, ата-аналар мен мектеп мұғалімдері жиналды.

– Қазақ халқы қыз бала тәрбиесіне ерекше мән берген. Қыз баланың қадір-қасиеті мен қылығы ұлттың ұлылығын танытады, – дейді ұйымдастырушылар.

Қыздардың бойында имандылық, инабаттылық, адамгершілік қасиеттерді дарытуға арналған аталмыш шараның тәрбиелік мәні зор болды. Шараға келген қонақтар өз тілектерін білдіріп, соңы әдемі әнмен аяқталды.