20 қаңтарда волейболдан әйелдер арасындағы Қазақстан чемпионатының Ұлттық лигасының үшінші туры аяқталады, деп хабарлайды @Pavlodarnews.kz тілшісі.

Өкінішке орай, павлодарлық команданың Петропавлдағы нәтижелері барлық чемпионатты қоса айтқанда сәтсіз шығуда. Бір апта бұрын «Ару-Астананы» бірінші рет жеңген «Ertis» әрі қарай волейболшылары «Тұраннан» 3:1 есебімен жеңіліп қалды. Одан кейін жерлес қыздарымыз «Грация KZ», «Ақтөбе», «Қарағанды» және «Жетісудан» 3:0 есебімен төрт рет жеңіліске ұшыраған.

Үшінші айналымның финалдық кездесуінде «Ertis» алаң иелері «Қуанышпен» кездеседі. Бір күн бұрын петропавлдық қыздар «Грация KZ» командасын 3:0 есебімен ұтты. Солтүстіктіктер өз көрермендері алдында «Ertis» сияқты әлсіз қарсыласпен «концерт» қойғысы келетіні сөзсіз.

Павлодарлықтар турнир кестесінде небәрі екі ұпаймен соңғы орында келеді. Қыздарымыздың шегінетін жері жоқ – алда Талдықорғанда өтетін Ұлттық лиганың соңғы төртінші туры күтіп тұр. Матч 18.30-да басталады. Көрсетілімді Қазақстан волейбол федерациясының ресми YouTube-арнасынан көруге болады.