Ерекше кеміргішті «Ертіс орманы» аумағында камералар түсіріп алды, от хабарлайды @Pavlodarnews.kz тілшісі.

Резерваттың ғылыми бөлім мамандарының айтуынша, атжалман жүнінің түсін өзгертетін таңғаларлық қасиетімен белгілі. Суық түскенде оның сұрғылт-қоңыр түгі аппақ болып өзгереді. Бұл атжалманды қар үстінде жыртқыштардан жасыруға көмектеседі.

– Ең қызығы, атжалман орман алқабында байқалды. Мұндай олжа табиғаттың тосын сыйларға толы екенін, ал жануарлардың түрлі жағдайға бейімделе алатынын дәлелдейді, – дейді мамандар.

Аңның дене ұзындығы небарі 8–10 сантиметр, салмағы 30–50 грамм шамасында. Ол негізінен дәндер, шөппен қоректенеді, кейде ұсақ жәндіктерді де жейді. Қыста ұйқыға кетпейди, керісінше в инінде азық жинайды.

Еске сала кетейік, өткен жылы «Ертіс орманы» аумағында жабайы жануарлардың мекенін және олардың санын зертеуге арналған ғылыми жоба басталған. Бұл үшін мамандар заманауи технологияларды қолдануда. Мұндай жүйелер жануар популяциясының жағдайын бақылауға, қауіптерді дер кезінде байқауға және табиғи ресурстарды ұтымды пайдалануға мүмкіндік береді.

Жабайы жануарларды тіркеуге «ақылды» өртті ерте анықтау жүйелеру де көмектеседі. Олар түтінге ғана емес, ормандағы қозғалысқа да әсер етеді.  Мәселен, былтыр объективке Қызыл кітапқа енген кезқұйрық түсіп қалған.

Өткен жылдың екінші тоқсанындағы деректерге сәйкес, мамандар 264 бұлан, 932 сібір елігін, 18 қабан, 75 сілеусін және 81 қарсақ санаған.