Демалыс күндері павлодарлықтарды концерттер, кино және ашық аспан астындағы би кеші күтеді, деп хабарлайды @Pavlodarnews.kz тілшісі.

10-12 шілде аралығында Павлодардағы Ertis Promenade сахнасында тұрғындар мен қала қонақтарына арналған мәдени, спорттық және ойын-сауық бағдарламалары өтеді.

10 шілдеде сағат 18:00-де «Мерейлі отбасы» байқауының жеңімпаздарын марапаттау рәсімі ұйымдастырылып, одан кейін Шарбақты ауданының шығармашылық ұжымдары концерт қояды.

11 шілдеде таңғы сағат 9:00-ден 10:00-ге дейін «Павлодар на спорте» жобасы аясында түрлі форматтағы жаттығулар өтеді. Кешкі сағат 19:00-де «Ertis Dauysy 2026» вокалдық байқауы басталып, кештің хедлайнері – «Домино» тобы өнер көрсетеді. Бағдарлама 21:00-22:00 аралығындағы дискотекамен жалғасады.

12 шілдеде сағат 18:00-де көрермендерге «Ауыл» фильмі көрсетіледі. Ал 19:00-ден бастап El Paso би студиясының ұйымдастыруымен OPEN AIR би кеші өтеді.

Бағдарлама аясында 20:00-20:30 аралығында кизомба, бачата, сальса және анимашки бағыттары бойынша тегін шеберлік сабақтары ұйымдастырылады. Ұйымдастырушылардың айтуынша, би кешіне кез келген адам қатыса алады.