Жобаны толық аяқтау 2025 жылға жоспарланған, деп хабарлайды @Pavlodarnews.kz тілшісі.

«ҚазАвтоЖол» ҰК» АҚ «Қызылорда – Павлодар – Успен» дәлізін дамыту аясында «Қызылорда – Жезқазған» автожолын қайта жаңарту жұмыстары қалай жүріп жатқанын баяндады.

Жалпы ұзындығы 399 шақырым болатын бұл учаске Қызылорда және Ұлытау облыстары арқылы өтеді.

Қызылорда облысында қазір жалпы ұзындығы 191 шақырым болатын бес учаскеде белсенді жұмыстар жүргізілуде. Жобаны толық аяқтау 2025 жылға жоспарланған.

Бүгінгі таңда тасқын су кезеңі аяқталды, жер төсемін салу жұмыстары жалғасуда, негіздің төменгі қабаты төселуде, нысандар мен көпірлер соғылып жатыр.

Биыл дайындық шаралары (құнарлы топырақ қабатын алу, асфальт жамылғысы бар жер жұмыстарын орындау), 2025 жылғы құрылыс маусымына қажетті жол-құрылыс материалдарын әзірлеу жоспарланып отыр.