Оған бірқатар вирустық және аутоиммунды аурулар диагнозы қойылған, деп хабарлайды @Pavlodarnews.kz. 

Облыстық жедел жәрдем станциясының баспасөз қызметінің мәліметінше, жасөспірім жерүсті көлігімен елордалық ғылыми орталыққа жеткізілді.

23 ақпанда 16 жастағы қызды тасымалдауға өтінім облыстық балалар ауруханасынан келіп түсті. Науқасты Ана мен бала ұлттық ғылыми орталығының мамандарына тапсыру туралы шешім қабылданды. Медициналық авиация қызметкерлері оны Астанаға 5,5 сағат ішінде жеткізді.

Өткен аптада өңірлік жедел жәрдем станциясының құрамына кіретін медавиация өкілдері бірден 9 өтінімді пысықтады. Дәрігерлер жаңа туған нәрестелерді үш рет тасымалдады, оларда әртүрлі туа біткен аурулар анықталды. Неонатологиялық бригаданың бақылауымен Екібастұздан екі ұл мен Ертіс ауданынан бір қызды облыстық перинаталдық орталыққа жеткізді. Сол жерге Екібастұздан жүктіліктің 38 аптасында болған 39 жастағы әйел жеткізілді.

Медавиацияға түскен тағы үш өтініш жүрек-қан тамырлары ауруларымен байланысты болды. Екі рет медициналық бригадалар Екібастұзға аттанды. Сол жерден олар инфаркт алған 69 жастағы әйелді және жүректің ишемиялық ауруы диагнозы қойылған 69 жастағы ер адамды облыстық кардио орталығына жеткізді. Ақсудан Павлодарға «жіті коронарлық синдром» диагнозы қойылған 35 жастағы ер адам жеткізілді. 

Ал Ақтоғайға медициналық авиация 51 жастағы әйелге кеңес беру үшін барды. Науқас инсульт алғанын анықтап, ауыл дәрігерлерінен көмек сұрады. Ол жерге реаниматологиялық бригада жіберілді.